خرداد حرکاتئندا حاکمیت ین یئنی سیاستی

تبريز-ارسلان ائل دایاق

بوگون تبريز بير آ یا ياخئن دئر، سانكي اورتا عصير فاتح لري نين اليله فتح اولونموش بيرشهر دئر،كوچه لرين باشئندا قارا ياخا مامورلار گئت گل ده دئرلر، دورد يول لاردا پليس لر جومالاشئب لار، بیر چوخ آذربايجان ملي حركت ينين چالئشان لارئن سورغو سئوالا چاغئريرلار. ايندي 30/2/87 ده نچه نفر ایران – عراق محاربه سینین ايتگين شهيدلریندن گتيريب،شهرين دئرئمونودونده ريب لر ،حاكميت خردادين بيرينه نچه چشیتلی مچيدلرده،بوشهيدلرين تعزيه سين سالماق لا داها دا ا يسته یري داهادا خالقي (دوزعبارت له ) خالق ين اوزونه چكسين.

85نجي ايل ين خرداديندا تبريز شهرينده،شهيد عائله لريندن ملت ین قئزقئن اعتراض ني آنئب دسته لره قوشولوب،شهريده اعتراض و قیام صف لر ینده دایانمئشدئلار ،دسته دسته بسيج اوغول لاريندان دوتوب اطلاعات ين قارا داخمالاريندا ساخلانئردئلار.بونلارلا برابر يوزلرجه محاربه دویوشجو لری دفعه لرله اعتراض لارين لاپ آشکارا بيلديريرديلر، آخيربوتوهين بير فرده وياخود بيرجمع ايچون ديئيل دئر،بلكه بير ملتی ارینمه سیاست ینه عهده لندیرمک ایدی.

ايران حاكميتي اينديسه شهيد لرين بيرسئراسي نين عائله سيني بهانه ائده ره ک ملت يميزی اوزه چكيري،آنجاق بوشهيد لرين عائله سي ياخشي بيليرلر،خردادين بيرينين آذربايجان شهرلرينده شهید اولان ايگيدلر،شهادت لريله ديري لرين بقا سيندان اولولرين حیا سيندان ،ا شهيدلرين فتح اولونماز قالاسئنی قوروموش لار.

فارس حاكميتي تورك ائل لرين بيريئرده،نه اولورسا وارليق لارين دانئب،ایگید لری اسلام دئییب تورمه لییب،ناکس لری ،توبه کاری،ملت دئییب میدان لاردا تک قویان لاردسته سینی کورره له ییب ، دوش لریندن میدال آسئب، تک تک ینه برائت وئرمك له بوسيستماتيك حركت ين دولت ين ايچ اورقان لاري ينن طرف يندن دوزه لينمه سين آيدين لاشد ئرئب دئر 0 ايندیسه حاكميت عراق محاربه شهيدلرين آذربايجان خرداد شهيدلري نين قارشي سيندا ديرچه تمك له،آذربايجان ين سياسي حيات ئندا يني بيرمبحث آچير.

حاكميت ين بويوك حصه سي اسلام ائديا سيندان اوز چئويرديكده وبوايدياني قدرت وفارس شونيزمي نين حاكميت اروقان لاري نين بورونجه گی قئلدئقدا،ايران –عراق شهيد لرينی بو قدرت قايناق لاري نين بیر دایاغی سانئر لار0 آذربايجان خردادشهيدلري،تماميت له تورك ائل لري نين حيثيت مدافعه چي سي اولدوقدا انسانی قدرت محورینده ذبح ایده نلره بو عصیر ده ان دوزگون رفلکس دئر .

خرداد حرکاتی یالنئز بیر اسیر ملت ین عصیانی بیر دولت ایچون دئییل ،بو حرکات ازیلمیش بیر ملت لرین اوز قدرت ایله بویوک گوج لرین اریتمه،قئسارما و یئنی استعمارچئلئق سیاست لرینه "اوزونه قایئتما"نعره سیله هایقئرماق دئر0 افغانستان دا قاندالی دولت ین دیده رگین ملتی،عراقدا پوزقون حاکمیت ین دویولموش انسان لاری،فلسطین ین داغئلمئش لاری،قارا باغئن ظلم ایله قوولموش لاری عینی سوزو عینی انسان لارلا " اوزونو" هارای لاییر0 بو آراايران اسلام انقلابي اوزيولوندان جايدئقدا،وانقلاب ایستك لريندن وعهده لي اولدوغو آنا ياسادان اوز چئویردیكده،يئنی ایستك لريله برابر،دین ،دولت،ملت وحتی شهيد لرده قدرت قلبيره گينده یئنی دن تعريف له نيرلر ، وشهيد لرحاكميت ين ياشام عضولري نين بيري وقدرت گوزه لرينه چئويريليرلر، ویئنی استعمارچئلئق شاهباز لارئنا دونورلر،وهابئله حاكمیت واسطه سیله اوز انقلابچي دوروم لاريندان کوچوب،قدرت يوغوزدورجو حوزه لرینه گئچيرلر.

ايران عراق محاربه سي نین شهيد لر ی بو گوتوروم ده حاكميت ين معناسيز قدرتي نين موضوعوسونون تمثيل چي كيمي گوتورولور،آذربايجان ملي شهيد لري نين برابر لرينده دایان دئرئلار.حاكميت واقعيتي بوسياق دا آنلادئرسا،آمما حقيقت آيري بير حكايه دئيري.