سن هرکسه یامان دئیب، توهین ائدیرسن، من سنین یئرینه اوتانیرام، سن نه زامان اوتاناجاقسان؟

سن اوزده بیر جور، آرخادا باشقا جور دانیشیرسان، من سنین یئرینه اوتانیرام، سن نه زامان اوتاناجاقسان؟

سن یولداشلارینین دالیسیجا بهتان آتیرسان، من سنین یئرینه اوتانیرام، سن نه زامان اوتاناجاقسان؟

سن یولداشینی اوجوز قیمته شونیزمه ساتیرسان، من سنین یئرینه اوتانیرام، سن نه زامان اوتاناجاقسان؟

سن سوز وئردین سر سوزلری، هر کسه سویله ییرسن، من سنین یئرینه اوتانیرام، سن نه زامان اوتاناجاقسان؟

سن اوز غروروندان اوتورو بیر میلتی ساتیرسان، من سنین یئرینه اوتانیرام، سن نه زامان اوتاناجاقسان؟

سن اوزونو اثباتلاماق اوچون سلاح داشینی ساتیرسان، من سنین یئرینه اوتانیرام، سن نه زامان اوتاناجاقسان؟

سن منم منم دئیه هر کسی آیاق آلتینا آلیرسان، من سنین یئرینه اوتانیرام، سن نه زامان اوتاناجاقسان؟

سن اوز گوروهونون آدینی شیشرتمک اوچون توپراغینی ساتیرسان، من سنین یئرینه اوتانیرام، سن نه زامان اوتاناجاقسان؟

دوستلارین انفرادی شکنجه آلتیندادیرلار سن ایسه هله اوز آتینی چاپدیریسان، من سنین یئرینه اوتانیرام، سن نه زامان اوتاناجاقسان؟

سن بیر گون باغیمسیزسان صاباح تشکیلاتچی، من سنین یئرینه اوتانیرام، سن نه زامان اوتاناجاقسان؟

سن بیرلیک دئییب، بیزی پارچالاییرسان، من سنین یئرینه اوتانیرام، سن نه زامان اوتاناجاقسان؟

سن گونده بیر شایعه اوتوروب، هر کسی بیر بیرینین جانینا سالیرسان، من سنین یئرینه اوتانیرام، سن نه زامان اوتاناجاقسان؟

سن اورک لری قان ائدیب، زحمتلری برباد ائدیرسن، من سنین یئرینه اوتانیرام، سن نه زامان اوتاناجاقسان؟

سن گئجه نی سحره کیمی دیگرلرینین آیاغیندان یاپیشماق اوچون نقشه چکیرسن، من سنین یئرینه اوتانیرام، سن نه زامان اوتاناجاقسان؟

سن شونیزیمین قولچاغی اولموسان، من سنین یئرینه اوتانیرام، سن نه زامان اوتاناجاقسان؟

سن انسانلیغی آیاق آلتینا آلیرسان، من سنین یئرینه اوتانیرام، سن نه زامان اوتاناجاقسان؟

سن باشقالارینین یازی لارین اوز آدینا یاینلایب فخر ساتیرسان، من سنین یئرینه اوتانیرام، سن نه زامان اوتاناجاقسان؟

سن اخلاق قوراللارین آیاق آلتینا سالیب ازیرسن، من سنین یئرینه اوتانیرام، سن نه زامان اوتاناجاقسان؟

… من گونده یوزلر دئیل، مینلر دفعه اوتانیرام، سن نه زامان اوتاناجاقسان؟؟؟؟؟؟؟؟