بوز قورد
وطن منه اوغول دئسه نه غمیم!
چوخ زاماندیر، چالیشیرام، داش اوره کلی دووارلارین آرخاسیندان، آیری دیللی قونشولارلا، بیر قونوشام؛ آمما... اوخوم داشا ده ییر. هانی او دیل، من دیینده سیخیلیرام، مین بیر یئردن، مین بوجاقدان، اودیلینن جاواب گلسین: یازیق قارداش، بیزلرین ده سینه میزه کؤز باسیلیر، نفسیمیز الووداندیر. فارسجا یازیم؟! تورک بیلمز، عرب بیلمز، چینلی هاردان اوخویوبدور بیزیم دیلی. بیر دیلینن یازسام اگر، تکجه منیم یازدیغیمی، اوز قولاغیم ائشیده جک. * آمما نییه... بیر دیل ده وار!! قولاقلارلا، تاریخ بویو تانیشدیر او؛ قولوموزو، تاریخ بویو یئنجیشدیرن، زنجیرلرین دیلیدیر او. آهای، سیز ای آیری دیللی همسایالار، گونده مین یول، زنجیرلری دبه ردیرکن، پولاد اوزلو دووارلارین آرخاسیندان، بین الملل بو دیلینن، هاراییما هارای وئرین. ائللر آیری دوشه لی سینه سی داغلی آرازیم وار آنام آذر دیلیمین لای لایینا بیر نیازیم وار نه شیریندیر بو گوزل سس منی رویا آپاراندا بئله لای لای سسینه غمله دولو خوش آوازیم وار آیریلیق نغمه سینی بیر چالارام بیر یانارام من آخی بوردا غمه باتمیش سیزه بیر تئللی سازیم وار بو صداقت سسی دیر ذیروه لریندن آلیر الهام ذیروه لردن گلن او نازلی سسه چوخلی نازیم وار نییه ساحیلده دوروب حسره ته باغلار دایانیبسان بو محبت دنیزینده درینیم وار دایازیم وار گئجه لر قار هوسینده قالیر آغلار نئجه های های عیبی یوخدور قیشین او چیلله لرینده آیازیم وار نه قده ر جور و جفا چکدی آراز لار بو آیازدان ایل دونر رسم طبیعتدی یاشیل داغدا یازیم وار گئجه دورنا کوچور ((ائلشن)) داها گوز یاردان اویانیر سحرین چنلی چاغیندا نیازیم وار نامازیم وار
استاد حیدر عباسی (باریشماز)
ائلشن
| Design By : Night Skin |
..................................
نیه گرگ اوز دیلینی اتا تورک
اوز دیلینه اوزگه دیلی قاتا تورک
نه گهدر اتسادا اغریم ازاریم
گهنهده اد اچیب قالجییام من
بابک اولادییام نبی نسلی یم
یاغینی تختینن یالاجییام من
اغی اذر بایجان بالاسییام من
یاغیلار من اوچون ورسه لر زحمت
ساتغیننار یاغیلار ویر سالار منت
گره دیر گور سه دم شانلی لیاقت
بابکین سینمییان قالاسییام من
اغی اذر بایجان بالاسییام من
تورک اودو کی انا دیلین اتماسین
یاد دیله رین گولگه سینده یاتماسین
اذر بایجان اولکه سینی ساتماسین
انضاف ده ییل بابک یوردو ساتیلسین
تورک دیلینه باشقا دیللر قاتیلسین
اذر بایجان ستار خانلار وریبدیر
کور اوغلوتک قهرمانلار وریبدیر
حق اوستونده چوغلو قانلار وریبدیر
انصاف دییل اودلار یوردو ساتیلسین
تورک دیلینه باشقا دیللر ساتیلسین
..................................
.........................
کؤنولوم قوشو قاناد چالماز سنسیز بیرآن، آذربایجان،
خوش گونلرین گئتمیر مودام خیالیمدان، آذربایجان.
سندن اوزاق دوشسم ده من عشقین ایله یاشاییرام،
یارالانمیش قلبیم کيمى، قلبی ویران آذربایجان.
بوتون دونیا بیلیر سنین قودرتینله، دؤولتینله
آباد اولوب، آزاد اولوب مولکی ایران، آذربایجان.
بیسوتونی اینقیلابدا، شیرین- وطن اوچون فرهاد
کولونگ وورموش اؤز باشینا، زامان- زامان، آذربایجان.
وطن عشقی مکتبینده جان وئرمگی اؤیرنمیشیک،
اوستادیمیز دئییب هئچدیر وطنسیز جان، آذربایجان.
قورتارماق چون ظالیملرین الیندن رئی شومشادینی،
اؤز شومشادین باشدان- باشا اولوب آل قان، آذربایجان.
یارب، ندیر بیر بو قدر اورکلری قان ائتمگین،
قولوباغلی قالاجاقدیر نه واختاجان آذربایجان؟
ایگیدلرین ایران اوچون شهید اولوب، عوضینه
درد آلمیسان، غم آلمیسان سن ایراندان، آذربایجان.
اؤولادلارین نه واختا دک ترکی- وطن اولاجاقدیر؟
ال- اله وئر، عوصیان ائله، اویان، اویان، آذربایجان.
بسدی فراق اودلاریندان کول الندی باشیمیزا،
دور آیاغا، یا آزاد اول، یا تامام یان، آذربایجان.
شهریارین اورگیده سنینکی تک یارالیدیر،
آزادلیقدیر منه ملحم، سنه درمان، آذربایجان.
LinkDump
